https://youtu.be/wyh6buqZEnE?si=DjoKqftBcftgaouF

🇰🇼 Шейх Фалях аль-Мандакар

#фетва_Мандакар #таухид #жахилия

⚡️ ӨЗҮН-ӨЗҮ ӨЛТҮРҮҮ ИСЛАМДА ЧОҢ КҮНӨӨ

Мусулман адам эч качан өзүн өлтүрүүгө умтулбашы керек. Өзүн-өзү өлтүрүү Исламда эң чоң күнөөлөрдүн бири деп эсептелет.

Мусулманга кандай сыноо келбесин – ал сыноо малында болобу, же ден-соолугуна тиешелүүбү, же туугандарынабы – ал сабыр кылат. Келген сыноолор үчүн адам суицидге баруусу болбойт. Өзүн-өзү өлтүрүү чоң күнөө.

🔥 Аллах Таала айтты:

وَلاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيمًا وَمَن يَفْعَلْ ذَلِكَ عُدْوَانًا وَظُلْمًا فَسَوْفَ نُصْلِيهِ نَارًا وَكَانَ ذَلِكَ عَلَى اللّهِ يَسِيرًا

≼Өзүңөрдү өлтүрбөгүлө. Чындыгында, Аллах силерге Мээримдүү. Ким жогорку жаман ишти кылып, чектен ашып, зулумдук кылса, аны Тозокко таштайбыз. Бул нерсе Аллахка оңой≽ (Куран, ан-Ниса сүрөсү, 29-30-аяттар).


🔥 Абу Хурайра (радияЛлаху анху) риваят кылат, Аллахтын Элчиси ﷺ айтты:

مَنْ تَرَدَّى مِنْ جَبَلٍ فَقَتَلَ نَفْسَهُ ، فَهْوَ فِى نَارِ جَهَنَّمَ ، يَتَرَدَّى فِيهِ خَالِدًا مُخَلَّدًا فِيهَا أَبَدًا ، وَمَنْ تَحَسَّى سَمًّا فَقَتَلَ نَفْسَهُ ، فَسَمُّهُ فِى يَدِهِ ، يَتَحَسَّاهُ فِى نَارِ جَهَنَّمَ خَالِدًا مُخَلَّدًا فِيهَا أَبَدًا ، وَمَنْ قَتَلَ نَفْسَهُ بِحَدِيدَةٍ ، فَحَدِيدَتُهُ فِى يَدِهِ ، يَجَأُ بِهَا فِى بَطْنِهِ فِى نَارِ جَهَنَّمَ خَالِدًا مُخَلَّدًا فِيهَا أَبَدًا

"Ким (атайлап) тоодон өзүн кулатып, өзүн өлтүрсө, ал тозоктун отунда түбөлүк кулай берет. Ким (атайлап) уу ичип, өзүн өлтүрсө, ал колунда уусун кармаган бойдон, түбөлүк тозоктун отунда уусун ичип кала берет. Ким өзүн темир менен өлтүрсө, ал колунда темирин кармаган бойдон, түбөлүк тозоктун отунда өз курсагын сая берет" 📚 (Бухари: 5778; Муслим: 109).


🔥 Сабит ибн Даххак (радияЛлаху анху) риваят кылат, Пайгамбар ﷺ айтты:

ومَن قَتَلَ نَفْسَهُ بشيءٍ في الدُّنْيا عُذِّبَ به يَومَ القِيامَةِ

«Ким бир нерсе менен өзүн өлтүрсө, ошол нерсе менен Кыямат Күнү азапталат» 📚 (Бухари: 6047; Муслим: 110).


🔥 Жабир ибн Абдуллах (радияЛлаху анху) риваят кылат, Аллахтын Элчиси ﷺ айтты:

كانَ فِيمَن كانَ قَبْلَكُمْ رَجُلٌ به جُرْحٌ، فَجَزِعَ، فأخَذَ سِكِّينًا فَحَزَّ بهَا يَدَهُ، فَما رَقَأَ الدَّمُ حتَّى مَاتَ، قالَ اللَّهُ تَعَالَى: بَادَرَنِي عَبْدِي بنَفْسِهِ، حَرَّمْتُ عليه الجَنَّةَ

«Силерге чейинки жашагандардын арасында бир киши болгон. Ал жарат алып, бирок (ооруусуна) чыдай албай, бычак менен өз колун кесип салат. Анан каны ага бергендиктен акыры жан берет. Аллах Таала айтат: “Менин пендем (өзүн өлтүрүп) Менден озуп кетти. Ошондуктан Мен ага Бейишти арам кылдым”» 📚 (Бухари: 3463; Муслим: 113).


══════ ❁✿❁ ══════


🤲 ӨЗҮНӨ ӨЛҮМ ТИЛӨӨ ДУБАСЫ

Эгер такыр айла жок калса, хадисте келген бул дубаны кылса болот.

Анас ибн Малик (радияЛлаху анху) риваят кылат, Аллахтын Элчиси ﷺ айтты:

«Эч кимиңер келген сыноолор себептүү өлүүнү каалабагыла. Эми такыр айла жок болуп, өлүмдү каалап жатса, анда минтип айтсын:

اللَّهُمَّ أحْيِنِي ما كانَتِ الحَياةُ خَيْرًا لِي، وتَوَفَّنِي إذا كانَتِ الوَفاةُ خَيْرًا لِي

/Аллахумма ахйи-нии маа каанати-ль-хаяту хойрон ли, ва таваффа-нии изаа каанати-ль-вафаату хойрон лии/

“О, Аллахым! Жашоо мен үчүн жакшыраак болсо, мени жашат! Ал эми өлүм мен үчүн жакшыраак болсо, анда менин жанымды ал”» 📚 (Бухари: 6351; Муслим: 2680).

🌐 https://islamjolu.kg/3694-өзүн-өзү-өлтүрүү-суицид-тууралуу

#кабаир #суицид #сыноо #сабырсыздык

📲 https://t.me/islamjolu/4878

🎙 Онлайн дарс 📣

Үй-бүлөгө тийиштүү насааттар

№70 - сабак

Тема: "Рамазан айын тосуп алуу"

⏰ Среда, 06-март. Саат 21:20❗️
(Бишкек убактысы менен)

Устаз: Бакай Мамбетказиев

✉️ Сабакка тиешелүү суроолорду түз эфирде же бул жерден (@surooberuu_bot) алдын ала берсеңиз болот

💬 Сабак онлайн 👇 бул жерде өтмөкчү
https://t.me/islamjolu

🇸🇦 КАБАР. 10-март Жекшемби шамдан кийин, Рамазан-2024 башталышын аныктоо үчүн, ай кароо жүрөт.
Эгер ай көрүнсө, саарда ооз жабылып, Дүйшөмбү орозонун биринчи күнү деп эсептелет.
Эгер ай көрүнбөсө, анда Шаабан отуз күнгө толуп, орозонун биринчи күнү 12-март Шейшемби делет.

🌙 https://t.me/islamjolu/4885

🌿 Аллахтын сыпаттарына окшошкула дегендин мааниси

Ибн Каййим аль-Жаузия айтат:

"Аллах Өзүнүн ысымдарын жана сыпаттарын жакшы көрөт. Жана ким ошол ысым-сыпаттарды жакшы көрсө — аны да жакшы көрөт. Жана ким ошол сыпаттарга окшошууга аракет кылса — аны да жакшы көрөт. М:

Аллах Мээримдүү (ар-Рахиим) - мээримдүүлөрдү сүйөт;

Аллах Берешен (аль-Кариим) - берешендерди сүйөт;

Аллах Илимдүү (аль-Алиим) - илимдүүлөрдү сүйөт;

Аллах Даанышман (аль-Хакиим) - даанышмандарды сүйөт;

Аллах Кечиримдүү (аль-Гофуур) - кечиримдүүлөрдү сүйөт".

#ысым_сыпат #Алланын_ысымы

📝 https://t.me/islamjolu/4887

📖 Куранга болгон сүйүү

Ибн Каййим айтат:

«Аллахтын сөзүн сүйүү - Аллахты сүйүүнүн белгиси. Сен же башка бирөө Аллахты канчалык сүйөт экенин билгиң келсе, жүрөгүңдө Куранга болгон сүйүү канчалык карап көр. Музыка уккандар музыкасынан канчалык ырахат алышса, сен Куранды угуудан андан да көп ырахат аласыңбы же жокпу? ...
Усман (радияЛлаху анху) айтты: "Жүрөктөрүбүз таза болсо, Аллахтын сөзүн окуудан, угуудан эч тажабайт элек"»

(ад-Даа' вад-Даваа': 550)

#асар #рокоик #куран

📌 https://t.me/islamjolu/4895