Sàbadu 20 de freàrgiu, s'assòtziu Sardos in Paris (Sardos in Parigi) presentat s'eventu "LINGUA SARDA: IDENTITÀ E CONDIVISIONE". Gianfranco Fronteddu (Sardware) at a faeddare de s'importu de sa tecnologia pro sa tradutzione pro s'amparu de sa limba sarda, de Apertium e de Sardware. Cun issu, ant a intervènnere Maria Luisa Mura e Alexis Barranger. Pro partetzipare tràmite Zoom, imbiade unu messàgiu de posta eletrònica a sardiaparigi@gmail.com
Acudide in medas!

Iscàrriga·ti de badas «Valores Feministas 2021», su calendàriu de Feminismo Inc. (feminismoinc.org) chi amus bortadu in sardu! Bonu 8 de martzu de luta!

Leghe puru s'intervista chi FeminismoINC at fatu a Flavia: https://feminismoinc.org/2021/03/feminismo-en-sardo-una-causa-importante-y-urgente.html

"Torra a ti pigare sa fache".
Sighit sa petitzione contras a sa possibilidade de èssere connot* dae sistemas automàticos aunde si siat s'agatamus.
https://www.sardumatica.net/node/109

Salude! Oe, pro sa Die de sa Sardigna, amus isseberadu de publicare una tradutzione noa, chi bos batimus in paris cun sos augùrios mannos nostros: Mastodon 🐘🐘!

Mastodon est una retza aberta federada a còdighe abertu e de propiedade comunitària, chi bos permitit de amministrare sos datos bostros in sa manera chi preferides. Bos podides registrare in una "istàntzia" o nde podides creare una bois, e gràtzias a sa federatzione ais a pòdere interagire cun totu sos contos in totu sas istàntzias, comente chi siant in su matessi situ.

Registrade·bos e proade·lu oe, e ammentade·bos de nos sighire fintzas in cue! Su contu de Sardware est "@sardware@mastodon.social"!

In sa Die internatzionale de sa tradutzione presentamus s'agiornamentu nou de Telegram! Immoe si podet seberare unu tema pro ògnia tzarrada, impreare carigheddas interativas, bìdere is cunfirmas de letura e registrare is diretas.
Pone #TelegramInSardu e festa paris cun Sardware custa die!

Adrià Martín, de Sardware, chistionat de lìnguas, de Sardigna e de s'assòtziu nostru in s'ispetziale de Vilaweb "Connòschere s'Alighera, connòschere Sardigna" (in catalanu). https://histories.vilaweb.cat/Alguer-Sardenya/index.html

Salude! S'iscuadra de Sardware est traballende a sa localizatzione de su navigadore lìberu Mozilla Firefox.
Amus traduidu bastante pro otènnere de publicare su traballu giai fatu in Firefox Nightly, una versione "pre-alfa" chi serbit mescamente pro fàghere is proas de totu is isvilupos in antis de ddas pònnere in su Firefox istàbile comente atualizatziones.
Tenimus bisòngiu de gente chi dda proet e chi nos sinnalit faddinas eventuales, tràmite su canale Telegram de Sardware o is redes sotziales.
Pensamus chi potzat èssere un'ocasione bella pro ònnia utente pro bìdere su traballu fintzas una manera pro passare a un'aplicatzione lìbera e a còdighe abertu che a Firefox!
Pro installare Firefox Nightly in s'elaboradore tuo, sighi custa ghia:
1) Bae a Firefox Nightly;
2) Dae su primu menù a cortina, seletziona Firefox Nightly; dae su segundu, seletziona su sistema operativu tuo; dae su de tres, chirca "Sardinian - Sardu" e seletziona·ddu;
3) Incarca "Download Now" pro ddu iscarrigare, e a s'acabu installare!

Sa Carta de Montarbu, chi Sardware at firmadu in paris cun àteros assòtzios, at a èssere presentada su 18 de làmpadas in Biddanoa de Forru, in su fèstival Arrexini. Acostiade·si!
www.arrexinifestival.it/

🧡🔥🦊

A pustis de prus de un'annu de traballu, s'iscuadra de Sardware est pregiada de presentare sa tradutzione de #FirefoxInSardu pro Android e elaboradores de iscrivania!

https://addons.mozilla.org/en-US/firefox/addon/language-sardu-sardinian/

Ancora a proare 🔥#FirefoxInSardu🔥ses? E ite ses abetende?

💻Pro elaboradore: aberi sa cunfiguratzione dae s'icona a tres linieddas in artu a dereta, duncas sèbera "Sardu" dae su menù "Limba".
📱Pro Android: atualiza s'aplicatzione dae sa butega Google Play.

📍Traballamus chene profetu econòmicu. Ogni agiudu, però, nos podet agiudare a mantènnere is resursas pro totu sa comunidade! https://www.sardware.org/dona/

➡️Sighi is progetos de #Sardware in su situ www.sardware.org

✊🏾 Solidaridade cun Ivano

Sardware, grupu de ativistas pro sa tradutzione de tecnologia in sardu, bolet esprìmere sa solidaridade sua a Ivano, membru de s'assòtziu dae su 2021, a pustis de is atziones de protesta suas acapiadas a su cambiamentu climàticu. Sa risposta de s'Istadu a is atziones de Ivano e de àteras persones de su grupu suo depet èssere interpretada comente un'atu pro chircare de pònnere a tìmere a chie protestat.

Sardware est un'assòtziu chi traballat dae su bàsciu pro unu mundu plurale e diversu pro mèdiu de sa defensa de su sardu, e non podimus abarrare a sa muda in antis de sa repressione a chie traballat pro unu mundu sustenìbile in s'àmbitu ecològicu.

Atzione de suportu: chenàbura 24/11, a is 10 oras, in sa Tzitadella Universitària de Pauli, fronte Biblioteca (Blocu F).

https://t.me/IperDaBidda/1312

🔥Sardware addòbiat Mozilla🔥
Mèrcuris 28/2 a is 18.00 h (ora sarda) amus a èssere òspites de Mozilla pro faeddare de sa tradutzione de #FirefoxInSardu.
- Càstia sa direta e sa registratzione: https://mzl.la/localization-2024-02-28
- Imbia preguntas in antis de s'intervista: https://forms.gle/kYjBn67YNms7kGb88
- Faghe preguntas in direta: https://matrix.to/#/%23l10n-community:mozilla.org
T'abetamus!

Sardumàtica, diàriu in lìnia de informàtica in sardu, chistionat de sa resonada intre nois de Sardware e Mozilla de cras, mèrcuris 28 de freàrgiu (18.00 h): https://www.sardumatica.net/2024-02-26-mozilla-preparat-un-arresonu-cun-sardware

- Ligòngiu a sa direta e sa registratzione: https://mzl.la/localization-2024-02-28
- Preguntas prima de s'intervista: https://forms.gle/kYjBn67YNms7kGb88
- Preguntas in direta: https://matrix.to/#/%23l10n-community:mozilla.org

Gràtzias a Mozilla de sa resonada de mèrcuris in pitzus de sa publicatzione de #FirefoxInSardu! Recùpera·dda inoghe:
https://mozilla.hosted.panopto.com/Panopto/Pages/Viewer.aspx?id=38605e7d-ae1e-4612-b31e-b11800f4400e

Tecnologia lìbera, in sardu e rispetosa de sa diversidade.
Gràtzias a #Mozilla pro s'intervista in ocasione de s'anniversàriu de #FirefoxInSardu.
E gràtzias a @LaNuovaSardegna pro nde chistionare!

https://www.lanuovasardegna.it/regione/2024/03/02/news/mozilla-at-invitadu-a-sardware-in-ocasione-de-su-primu-anniversariu-de-sa-publicatzione-de-su-navigadore-firefox-in-sardu-1.100483044

Eris La Voce del Sàrrabus, periòdicu locale chi essit in paperi, at publicadu custa intervista a Ivano, ativista nostru de Sardware. Torramus gràtzias a sa redatzione e in particulare a Danilo, autore de s'artìculu. Traballamus mescamente in sa retza, ma nos isparghinamus fintzas a fora!

Bos arregordamus chi podeis suportare is costos de is infrastruturas de Sardware faghende una donatzione [IBAN intestadu a Sardware APS: IT53 D030 6909 6061 0000 0176 337], agiudende·nos in sa tradutzione o àteras cosas (ponide·bos in cuntatu cun nois) e simpremente impreende e isparghinende is programmas e is resursas in su giassu www.sardware.org.

Bonu lunis de Pasca!
Amus creadu unu grupu de Telegram a argumentu lìberu pro persones chi bolent praticare su sardu:
https://t.me/neosardofonia