Istrutziones pro s’installatzione (si bos serbit una ghia cun imàgines, intrade a http://sardware.tradumatica.net/telegram.html):

ANDROID
1) Iscarrigade s’archìviu «android-sc.xml» chi ais a agatare inoghe susu.
2) Incarcade subra de su sìmbulu ⋮ pro abèrrere su menù de optziones.
3) Seletzionade s’optzione «Applica traduzione» o «Apply localization file».
4) Seletzionade «sardu».

iPHONE/iPAD
1) Iscarrigade s’archìviu «iphone-sc.strings» chi ais a agatare inoghe susu.
2) Seletzionade «Applica traduzione» o «Apply localization file».

ELABORADORE DE ISCRIVANIA
1) Iscarrigade s’archìviu «desktop-sc.strings» chi ais a agatare inoghe susu. Ammentade·bos sa cartella in ue lu sarvades, a s’ispissu est: './Downloads/Telegram Desktop' de su profilu utente bostru.
2) Aberide sa cunfiguratzione de Telegram Desktop («Settings» o «Impostazioni») e, in s’àera, iscriide «loadlang» (no ais a bìdere perunu campu in ue si iscrient sas lìteras, pro custu naramus "in s'àera"). S'at a abèrrere un'esploradore de archìvios.
3) Seletzionade s’archìviu «desktop-sc.strings» chi ais iscarrigadu in s’istrutzione 1.
4) Telegram Desktop s’at a torrare a aviare.
Nota: non nche cantzelleis dae s’elaboradore s’archìviu chi ais iscarrigadu.

Pro bos pònnere in cuntatu cun nois, pro nos cussigiare megioros e pro nos comunicare faddinas, intrade a su situ web sardware.tradumatica.net o a su grupu de Telegram pro sos utentes Sardware: https://telegram.me/joinchat/AI89B0CqT78jS7D1C7NH0g.

In s'ìnteri, narade a su mundu chi seis impreende Telegram in sardu cun #telegraminsardu 😉.

Salude,

Amus agiornadu sos pachetes de limba de sas aplicatziones de Telegram pro Android, iOS e Telegram Desktop. In custa versione, podides cumpartzire positziones in direta.

Agatades àteras informatziones in custu ligàmene (in inglesu):
https://telegram.org/blog/live-locations

#TelegramInSardu!

Salude a totus! Oe semus cuntentos meda, ca Telegram at presentadu unu sistema nou pro is tradutziones, e custu si at permìtidu de pòdere torrare a frunire sa tradutzione de is tres prataformas chi in Sardware amus semper mantènnidu (Android, iOS e TDesktop). In prus, cunfigurare Telegram in sardu divenit prus fàtzile: dae oe, tocat isceti de abèrrere su ligàmene t.me/setlanguage/sardu dae cale si siat prataforma e su programma at a aplicare sa tradutzione a sa sola. (Tenides bisòngiu de tènnere is programmas atualizados a s'ùrtima versione.) #TelegramInSardu!

Salude! 👋🏽

S'iscuadra nostra est traballende meda in custas dies de isolamentu. 🤓

Pro immoe, tenimus is pachetes de limba de Telegram pro Android, iOS e elaboradores de iscrivania (TDesktop) a su 100% #TelegramInSardu!

In prus, semus cuntentos meda de annuntziare chi dae oe frunimus tradutziones fintzas de Telegram pro 🍏Mac OS🍎. Faghe festa in rete paris cun nois tràmite is etichetas #TelegramProIsMacOs #TelegramProIsMacas 🤪!

Is dies imbenientes, amus a donare àteras noas! Sighi su canale nostru de Telegram: t.me/sardware!

In su mentras, si connosches su sardu e si boles agiudare a torrare su sardu prus presente in sa tecnologia, faghe·ti intèndere in su grupu nostru!

Salude! Aprofitamus custa atualizatzione pro annuntziare chi amus bortadu #Telegram pro #AndroidX. Cun custu, Sardware frunit giai sa tradutzione de totu is produtos de #TelegramInSardu (55k paràulas!). Si boles collaborare cun nois, iscrie·si!

In sa Die internatzionale de sa tradutzione presentamus s'agiornamentu nou de Telegram! Immoe si podet seberare unu tema pro ògnia tzarrada, impreare carigheddas interativas, bìdere is cunfirmas de letura e registrare is diretas.
Pone #TelegramInSardu e festa paris cun Sardware custa die!